انت عدو نفسك !

أوقات كتير.. بتكون انت عدو نفسك.. عدو نفسك الوحيد.. والقيد الي من حديد.. والعائق الشديد.. الي مانعك تكون ناجح.. سعيد..
وتبقى خايف تواجهها.. وتتحامى بالهروب.. ولوم القريب والبعيد..
محدش غيرك مسؤول.. عن حلمك الجميل.. عن هدفك الكبير.. عن قلبك السليم.. وعن مستقبلك العظيم..
الحل مش بعيد.. مش هناك.. الحل ف نفسك.. جوّاك..
الحل ف عقلك.. تفكيرك.. ف قلبك.. وهواك..
الحل مش سهل أكيد.. الحل صعب وشديد..
ولازم تتأكد وتعرف.. محدش بيعلى.. أو يشرَّف.. غير بالتعب.. والكفاح..
محدش بيسلم م الجراح.. وغالي تمن الفلاح..
وبعد المرّ.. هتدوق طعم النجاح..